An Open Letter From KB


Kumusta ka na?

Nabalitaan ko ang nangyari sa iyo kailan lang. Madami daw palang tao ang naapektuhan. Pati mga pulis, mga taga DSWD at Red Cross ay nagkaisa para tulungan ang mga biktima ng sakuna. Nabalita din ka din pala sa TV. Nakakatuwang isipin ang pagtutulungan ng lahat sa mga ganyang pagkakataon. Hindi naman kita masyadong masisisi sa nagawa mo kasi lahat naman tayo ay nagkakamali. Sino ba ang walang bahid ng dumi, hindi ba?

Kaya lang sana naman, hindi mo na tinangay ang mga pantalon ni Tatay Gusting na sabi ay nananahimik sa sampayan. Wala tuloy siyang maisuot papunta sa palayan. Yung pang-araro niya ay di na rin daw makita at baka nadala mo. Ano ka ba naman, ibinigay na nila sa iyo ang lumang bubong nung huli kang bumisita. Kinakalawang pa nga yata iyon. Pansamantala, pinalitan muna nila ng pawid ang bubungan kasi kaymahal ng yero. Hindi pa nagpapadala ang anak niyang nagtatrabaho sa Dubai. Bumili yata ng iPhone 6S kaya nadelay ang sustento. Siguro eh gustong makahuli ng Pokemon. Mabuti pa kamo ang babuyan ni Aling Karla, mas elegante pa ang bubong!

Siya nga pala, natatandaan mo ba ang gasul ni Nanay Simang sa may likuran ng bahay nila? Tinangay mo din daw yun dati kasabay ng gula-gulanit na tolda na matanda pa sa kanya. Kawawa naman. Ngayon ay nagluluto na lamang sya sa ulingan panggatong ang mga nasirang kahoy sa gubat. Habang nagpapayong ng dahon ng saging sa arawan. Hay, buhay!

Naisip ko minsan, kahit wala kang awa. Matindi lang siguro ang pangangailangan mo kaya nagawa mo iyon. Kung sakaling magkikita or magkakasalubong tayo, ang dasal ko lang naman, huwag na nating tangayin ang pag-aari ng iba. Nagsisikap sila sa buhay para makaraos. Hindi kagaya natin, pabandying-bandying lang at padalaw-dalaw kapag naiinip.

Hindi naman tayo dapat magpaligsahan. Be Humble, wika nga nila. Hinaan mo naman ang hangin ng kayabangan mo sa susunod ha. At saka huwag ka masyadong bumalahaw ng iyak sa kaunting kulog at nakupo baka bumaha. Kawawa ang kapitbahay nilang naglalakad lang papunta sa school, mababasa na naman ang kaisa-isa niyang sapatos. Mabuti at gawa iyon sa Marikina kaya matibay.

Kaunting konsiderasyon naman kaibigan. Paano naman kami?

Nagsusumamo,

Kay Bee (Kasunod na Bagyo)

Tawa ka naman kahit konti..:)

#justkidding #pinoyjokes #copyrighted #peropwedeipasa #share

From Ymatruz, Your blogger Born in Philippines Living in US
https://ymatruz.blogspot.com

ADVERTISEMENT



Rate this Joke:
2.14 avg. rating (44% score) - 14 votes


loading...

This entry was posted in Pinoy Jokes by .

Topic Trend:    all joke tagalog,   gasul jokes

Leave your comment bellow